కానుసన్యాల్ ఆత్మహత్య (పతికల్లో చూసా) - ఒక విప్లవ సిద్దాంతానికి భాగస్వామి. ఆ పిలుపు అందుకున్న వారు పెడత్రోవ పట్టారని విమర్శించి బాధపడిన వాడు. అమరులైన భగత్ సింగ్ వర్ధంతి రోజే (23.3.10) అనారోగ్యంతో ఉరివేసుకొని చనిపోయడంటే జాలి పడాలో బాధ పడాలో తెలియని స్థితి. ఇది సిద్ధాంత రూపకర్తలకు ఎలాంటి సందేశం ఇస్తుందో కానీ, తాను కూడా కేవలం మనిషే అని హింసామార్గం చివరకు తనకేమి మిగల్చలేదని తేలిపోయింది. హింసే మార్గం, దౌర్జన్యమే బలం అనుకునే వారికి ఇది గుణపాఠం కాగలదేమో వేచి చూద్దాం. ఆత్మహత్య మహాపాతకం అంటారే అలాగే ఆత్మహత్యలు చేసుకున్న వారిని అమరులని కూడా అంటున్నారు. ఆ కుటుంబాల వ్యధలు తీర్చే వారెవ్వరూ లేకపోతినా తీరకపోయినా (ఆవేశంలో ఆత్మహత్యలకు పాల్పడే వారిని ఆపేదెవరు - నీవు నేనేగా). ఈయనకు ఎలాంటి కీర్తిని ఆపాదిస్తారో అదికూడా చూడాల్సిందే. ఈసందర్భంగా కొన్ని మాటలు (సరిగ్గా అతకక పోయినా) భావం గ్రహిస్తారని ---
ఆశ్చర్య పోయా - అంతమై పోయాడని - కానుసన్యాల్
తెలియగానే - అది ఆత్మహత్యని - విస్తుపోయాను
బాధ పడ్డాను - అమరులయ్యారని - భగత్ సింగులు
గమ్యం ఒకటే - మనిషి మనుగడే - వారు కోరేది
అంతం మాత్రం - ఇస్తుందొక సందేశం - నేర్చుకోమని
భగత్ సింగులు - ఆశ్రయించెను కదా - ఉరి కంబాన్ని
కానుసన్యాల్ - వేసుకొనెను గదా - స్వంతంగా ఉరి
ఎంతటి తేడా - మనిషిగా పుట్టినా - ఎందుకీ అంతం
అది సిద్ధాంతం - ఒకరికి పునాది - కాని మరేది
తీరని బాధ - మరొకరికి ఉంది - తీర్చలేనిది
మానవ జన్మ - ముగిసి పోవాల్సిందే - అర్దాంతరంగా
కాదు కారాదు - ముగిసి పోవాల్సిందే - అర్ధవంతంగా
* * * * *
2 comments:
thought provokng and awe inspiring.....how may persons can think and react like this??????????!!!!!!!!!!!!!!!!!!!
you have used so sensitive words
Post a Comment